前組合Cookies成員鄧麗欣（Stephy）、吳雨霏（Kary）、楊愛瑾（Miki）和區文詩昨日合體出席聖誕亮燈儀式，粉絲大喊「Cookies」，她們指已有10年未有同台出席活動，對粉絲的呼喚覺得感觸：「叫Cookies嗰陣有好多畫面。（合體出歌？）10年未夠勁，20年啦！10年後唱《心急人上》先有突破！」提到「九餅」可有機會重聚，她們稱有成員已離港及結婚生子，故難以實行，對於Mini Cookies欠傅穎，她們澄清未有這個名字：「係外間覺得我哋Mini咗先咁叫，公司係冇改過，所以幾搞笑！」

前組合Cookies成員區文詩（左起）、鄧麗欣、Kary及Miki出席亮燈儀式，向聖誕老人送飛吻。

此外，Kary成人妻後不時在社交網大晒「優質股」，被取笑大解放的她害羞說：「我好耐冇去陽光與海灘，乘機影多啲。（老公唔怕你被睇蝕？）冇問佢呀！」問到生B問題，她說：「順其自然啦！唔想有壓力。」另外，問到Miki會否成為姊妹中的下個新娘？她笑言或會閃婚，確有計劃過結婚，更表示她們經常互相催婚，Stephy突然說：「所以唔想同佢哋食飯。（對號入座喎！）唔係呀！催人都唔係幾好，但都係時候喇！」