劉嘉玲前晚與胡軍的7歲兒子胡皓康上契，筵開四席，好友李亞鵬專程由內地來港出席。對於亞鵬被拍到醉酒打人，嘉玲接受電話訪問時大表愕然：「點會咁？佢平時唔會咁，絕對唔係飲酒生事嘅人！」她力撐亞鵬君子有禮，只因見到多年好友才盡興：「如果人哋同佢敬酒，佢唔會托手月爭，會飲晒以示尊敬。現場氣氛好好，佢先飲多咗少少啫！」

劉嘉玲指胡軍兒子皓康很喜歡嗲她攬她，特別有親切感。

胡軍夫婦見證囝囝與劉嘉玲上契。

偕老公到場的楊小娟揚言支持關之琳，又指愛應該要光明正大。

叫陳泰銘交代

提到與康康上契，嘉玲直言每次見到對方都有種特別親切感，她笑言向來不算受小朋友歡迎，康康卻很喜歡嗲她攬她：「記得佢5歲時，我問佢點解咁鍾意同我玩，佢話以前喺鐘樓塔見過我。我覺得係古代屬佛教嘅建築物，有種前世今生感覺！」到去年嘉玲在內地拍戲，康康兩次遠道往探班，更為她搣橙斟水，令嘉玲決定收他做契仔，胡軍亦贊成。

另外，嘉玲昨晚出席朱李月華娶新抱婚宴時，提到關之琳與陳泰銘離婚後，指嘉玲與陳泰銘行山不顧他人感受，嘉玲指沒不開心，認為關之琳可能感情上不愉快才較敏感，問她可有聯絡對方？她說：「冇，同陳生有，我叫佢出嚟講番件事，唔想傷害大家，呢個係男人應該做。（陳生唔畀名分佢，唔係咁好？）唔可以咁判斷，每人處理事方式唔同。（與關之琳仍是Best Friend？）我唔知佢結婚同離婚，都唔係好Best Friend。」

同場還有呂良偉與太太楊小娟，問到關之琳是否不滿嘉玲與陳泰銘行山？她說：「誤會嚟，佢唔會咁諗。（話冇理佢感受？）佢講佢老公唔理佢感受，唔係講嘉玲。」有指關之琳不滿陳生沒有畀名分？小娟說：「一個男人鍾意一個女人就要企出嚟講愛佢，唔好遮掩！」