港女愛旅行！作為「空中飛人」的旅遊節目主持兼美容達人周雅霏（Faye），絕對稱得上是出國護膚大師，她強調以水護膚就是秘訣。在寒冷地方出現皮膚爆裂，隨時令你防不勝防，Faye亦有皮膚嚴重缺水的問題：「上個月尾我先喺俄羅斯返嚟，嗰邊得零下1度，皮膚仲凍到裂。我個秘密武器就係水潤質地嘅Sleeping Mask，因為俄羅斯酒店有暖氣，令空氣更乾，但敷完一晚皮膚就好Perfect喇！同埋最重要係飲大量水。」

水是萬物之源！更是女性保持靚靚肌膚的秘訣。

機艙乾燥易令皮膚爆裂，周雅霏就教你吸水補濕法。

女人除了怕「乾」，「曬」亦是皮膚「黑」 星！享受陽光的Faye卻「冇有怕」﹕「我今年去得最多係泰國曼谷，出街必備補濕噴霧同防曬，得閒噴吓可以平衡油脂分泌。我仲會帶幾張美白補濕Paper Mask喺酒店敷，等肌膚再穩定啲！」而身處萬呎高空的乾燥機艙內，Faye還有個獨門秘方要分享：「我會叫空姐畀杯滾水我，之後我會不停索啲蒸氣，一來可以令皮膚吸收水分，二來可以令氣管舒服啲，一杯水就可以做到補濕效果！」