麥明詩及黃心穎等出席《歡樂滿東華2015》記者會，麥明詩被指發福，嚷着要減肥；黃心穎則表示愈大愈喜歡刺激，想挑戰危險項目，不過她又搞笑地指當日會「賣笑」。 文：影視組

麥明詩被指發福，故計劃努力消腩出戰《華姐》。

鄧佩儀透露節目巡禮當天，她在後台慶祝生日。

黃心穎自言愈大愈喜歡刺激，更願意「表演甩褲」。

應屆港姐冠軍麥明詩（Louisa）、黃心穎及前華姐鄧佩儀等昨日出席無綫慈善籌款節目《歡樂滿東華2015》記者會。以低V短裙亮相的Louisa預告當晚有神秘表演，對於有報道指她身形發福又凸腩，她尷尬地說：「咁嚴重？我有時食多咗嘢個肚就喺度，多謝提醒。就嚟要選華姐，要Keep身形。（今日個樣好殘？）尋日節目巡禮見到好多大明星，集少少郵。」她又撒嬌指男友嫌棄她：「佢話我拖累佢吖嘛！佢覺得我令佢唔夠威！」

鄧佩儀聽五次生日歌

被問表演項目時，同場的黃心穎竟笑指會「賣笑」。問她的笑容值多少錢？她說：「無價。（表演跳火圈？）我敢呀！（鄭希怡試過表演甩褲？）咁咪好難忘！我唔驚危險，人愈大愈鍾意刺激同唔怕死，每次去旅行都想玩跳傘，我嘅目標係30歲前玩笨豬跳。」另外，鄧佩儀透露前日於節目巡禮後台慶祝生日：「喺後台化妝間聽咗四、五次生日歌，我仲發現原來鄭俊弘同張致恒都同我同一日生日！」擔任節目《搵食飯團》主持的她表示喜獲餐廳老闆請食生日飯，她說：「老闆請我哋食咗三、四千蚊！」問到其生日願望是否找個男友？她表示喜歡獨立，會專注工作。