Ivana宣布婚訊,緋聞舊愛張敬軒昨日出席古巨基婚宴時搞Gag說:「搞到我都想宣布埋『昏』訊,係昏迷嗰個昏!」他說事前已知Ivana結婚,但不是她4月被求婚時,只是閒聊時談及。問到屆時會做姊妹還是伴娘?軒仔又搞笑說:「可能做姊妹又做伴娘,但要Keep咗Fit先,唔係到時着唔落條褲。」他又笑說目測Ivana的「圓周」,應可生一隊籃球隊。而另一前緋聞男友、音樂人馮翰銘亦恭喜Ivana,他接受電話訪問時祝賀她終脫離35歲前未結婚就下嫁張敬軒的「魔咒」。Eric So舊愛盧巧音則在電話中恭喜前男友:「佢終於成家立室,佢哋好襯!」

軒仔表示事前已知Ivana結婚,又搞笑指她可生一隊籃球隊。

馮翰銘(右)

楊千嬅

盧巧音

楊千嬅昨日受訪時表示戥王菀之結婚開心:「祝佢同Eric白頭到老、永結同心、早生貴子!恭喜晒!」正和Ivana趕拍電影的方力申在電話中表示不知拍檔結婚,但和她休息時曾傾過愛情事,近期見Ivana特別健談,面上掛住甜蜜笑容,也估計她好事近。吳君如昨晚出席古巨基婚宴時大讚王菀之男友是個「肯用下半生氹女友嘅男人」。