藝人林盛斌（Bob）為三女之父，適逢老婆生日，他在微博大晒一家五口的溫馨慶生照，相中見Bob老婆肚凸凸，他又留言表示：「唔係咁快搞啲咁嘅嘢吖嘛？」不少網友即留言恭喜他！記者致電Bob詢問時，他指老婆又有喜是個美麗的誤會：「應該唔係，如果佢有咗會話我知，肚凸應該係我哋食飽飯準備切蛋糕，加上佢之前生完未收晒身，個肚凸咗少少出嚟，畀人有咁嘅誤會！」不過，他直言想追個仔：「啲朋友都有恭喜我，又話希望呢胎係仔，咁我都想生個仔嘅。」
