最強娛樂資訊App《東網巨星》的最新遊戲節目《巨星放題》昨日首播！四方搜羅的精選IQ題與冷知識，及「Dr.吹神」陳奕迅與「Miss Kay」謝安琪的搞笑演繹均獲極高評價，連藝人黃美棋與李逸朗等都自薦參與下期的答題！

黃美棋爭住玩

李逸朗睇到笑

Dr.吹神Miss Kay主持生鬼

蝦頭等賽果

楊思琦問好過答

由《東網巨星》全力打造的遊戲節目《巨星放題》昨日首播，隨即引起極大關注，不少網民都指節目中的IQ題及冷知識創意十足兼趣味爆燈，更大讚兩位地獄出題官「Dr.吹神」陳奕迅（Eason）與「Miss Kay」謝安琪（Kay）主持生鬼，不少藝人明星都爭住參賽，齊齊爭奪「放題IQ王」的寶座！

蝦頭Mon實戰況

萬眾期待的《巨星放題》共有18位藝人參賽，身為「幸運兒」之一的「蝦頭」楊詩敏，自節目出街後一直密切留意戰況，希望自己能在比賽中突圍而出：「終於播出喇，節目好好睇，古靈精怪，乜問題都有，好搞笑！我美貌與智慧並重，鬥智鬥力好好玩，我有份參賽，想知我贏定輸記得收睇喇！」

「宅男女神」黃美棋與「傻女」李逸朗（Don）昨日欣賞節目後，都慨嘆未能參與賽事，又爭相大晒IQ自薦加入，美棋BB笑說：「《巨星放題》有生動嘅Eason同好靚嘅Kay考你IQ題同冷知識，我都犀利，三題答啱兩題半，亦鍾意玩IQ題同冷知識，希望下期輪到我答啦！你哋快啲留意喇！」而Don自稱三題全中：「朝早一起身就睇呢個新節目，真係好好笑，啲題目由淺到深總共三題，我就識晒，話咁快答啱晒，下次搵我做就啱晒！你哋睇咗未？唔睇就唔合時喇！」

思琦恨出題

星媽楊思琦則對考官之位虎視眈眈，她昨日笑言要加入地獄出題官行列：「睇完《巨星放題》第一集好好笑，最緊張係得十秒答，講到口唇邊就夠鐘喇，希望下一集有機會問其他嘉賓，問總好過做答嗰個吖！」

文：音樂組