王馨平（Linda）昨日與中樂團為於周末舉行的音樂會綵排，她表示前日首次跟85人的中樂團綵排，盛讚音樂好聽到毛管戙。初次跟中樂團合作的她表示屆時會唱四首歌，包括金曲《別問我是誰》，但她亦指演出有難度，因為曲調會定得較高，以凸顯其清亮歌聲：「要唱番廿幾歲的高音，但我都仲唱到，因為我唔食煙，又唔夜瞓。」Linda又透露挑選了一套華麗性感的服裝，問到可有問准老公？她說：「佢好支持我做所有嘢，佢知我有分寸。（佢到時會嚟睇？）會呀，睇晒兩場。」

Linda表示會穿華麗性感的服裝開騷。