天后容祖兒日前再獲百老滙邀請拍攝新一輯廣告，與日本健美猛男組合Macho 29、紅爆網絡的四歲小朋友亞歷山大及其細佬安德里合作，被六個猛男圍住的祖兒顯得相當拍醜，她抵死地伸手篤猛男的肌肉，更齊齊擺「大隻佬」甫士！祖兒笑說：「企喺佢哋身邊自己額外纖瘦！」而面對超活躍的安德里，祖兒說：「同小朋友合作係相當有難度，不過今次拍攝非常好玩同順利，兩位小朋友簡直係開心果，氹到所有工作人員好開心！」

Macho 29個個都咁大隻，好彩祖兒都唔輸蝕，即刻谷出「蚊型老鼠仔」反擊！

見到咁可愛嘅亞歷山大同安德里，令祖兒心花怒放！