鄭嘉穎的女友陳凱琳（Grace）與舊愛佘詩曼昨晚同台，兩女大合照時隔開幾個身位，互當透明。訪問阿佘時，擔任司儀的Grace顯得避忌，將問題交由林盛斌（Bob）及張繼聰發問。Grace受訪時死撐冇尷尬：「就算將來合作都冇問題。（你接唔到Bob同阿聰啲Gag？）佢兩個負責搞笑，我負責稿！我特別克制自己，唔想笑太多添！」

獲安排企中間位置的佘詩曼，玩遊戲十分投入。

昨晚紅地氈冒雨進行，但無阻眾花旦騷身材，楊秀惠、呂慧儀及陳煒胸前澎湃，沈卓盈、王君馨、陳庭欣、黃心穎及岑麗香則Deep V示人，楊怡亦大露背，「咪神」高海寧雖同樣是低胸，但效果失色。而久未出席大騷的苟芸慧似乎清減少許，她直言興奮又緊張。