每年節目巡禮都是見證小生花旦大執位的時刻，2016無綫節目巡禮昨日舉行，產量最多的為胡定欣、鍾嘉欣及蔡思貝，被封今年視后大熱的定欣擔正三劇，地位超然！小生方面以陳豪、陳展鵬及洪永城各兩劇跑出。相反視帝黎耀祥、黃翠如及馬國明則「爆冷」齊齊捧蛋！

扮「貓」的田蕊妮與胡定欣將再度合作演《來》劇。

蔡思貝來年繼續受力捧。

楊怡

略見清減的苟芸慧回歸，精神不錯。

性感登場的楊秀惠與王君馨大派紀念品。

陳智燊啜爆宋熙年，蕭正楠與黃翠如亦風騷出場。

蕭正楠（右）與 黃翠如

馬國明全晚無甚表情，陳豪則大受客戶歡迎。

昨日舉行的2016無綫節目巡禮影大合照時，排位盡顯藝人地位輕重！今年企第一行中間位置的小生花旦包括近年企穩一線的黃宗澤、陳豪、鍾嘉欣、佘詩曼、陳展鵬、田蕊妮、黎耀祥、馬國明及楊怡等，「後起之秀」黃翠如、陳凱琳、岑麗香、王浩信、蕭正楠則排較側位置。陳豪及定欣更是今年被最多客戶「圍」的男女演員，而「準夫婦」陳智燊與宋熙年亦不停被邀孖公仔合照。

席間公布15部明年推出或開拍的新劇名單，產量最多的花旦乃今屆視后大熱胡定欣，人氣爆燈的她密密做，明年有三劇《城寨英雄》、《來自喵喵星的妳》及《一屋老友記》於巡禮名單。她與田蕊妮一同受訪時，對於《鬼同你OT》以原班陣容拍攝《來》劇大呼期待，直言除了「神同步」亦要搞搞新意思，問到新劇題材會否與韓劇《來自星星的你》相似？阿田表示未看詳細劇本，只知飾演「貓星人」，劇中特意到定欣家報恩，而定欣起初亦跟《鬼》劇一樣討厭自己，定欣聞言即笑說是「憎恨」的延續。阿田更幽默地說：「拍《鬼》嗰時成日追問陳豪BB幾時出世，估唔到今次再合作，又係同一個話題！」

而今年曝光率不及定欣的鍾嘉欣亦開行Turbo，明年孭飛三劇《警犬巴打》、《哪吒與楊戩》及《巨輪II》，她說：「唔算三套，《巨輪II》得幾場啫！（會唔會增加奪視后機會？）冇諗咁多，享受過程！」至於上位港姐蔡思貝及劉佩玥各演三劇，當中蔡思貝擔正《味想天開》、《潮流教主》及《純熟意外》，同樣受力捧的朱晨麗亦三劇在手，密食當三番！

祥仔再拍處境劇

男藝員方面，以《潮》劇及《來》劇的陳豪、擔正《城》劇及《巨》劇的陳展鵬，外加人氣急升的洪永城孭飛《味》劇及《實習天使》，「三權」鼎立！陳豪笑言因老婆陳茵媺宣布佗第三胎，今年拍攝要再被當成話題：「唔好意思，今次又係我！（相士話係會有四個小朋友？）Oh my god！我OK嘅，Take it easy！其實三個都好夠，心滿意足。（咁你會唔會忍吓？）會畀太太休息吓，佢都想拍戲，同埋都想小朋友啲年紀拉番長啲先。」

另外，洪永城否認「被要求」刻意與黃翠如保持距離：「之前傾過一齊去北歐拍《走過浮華大地》，但個期夾唔到，奧運都未知。（拍《在那遙遠的地方》帶唐詩詠去？）唔知佢鍾唔鍾意另類地方。」

對於未有新劇於名單上，「食白果」的祥仔說：「Gimmick啫！《公公出宮》未播，同埋拍緊《財神駕到》，（明年）3月會同毛舜筠拍處境劇。（幫處境劇救亡？）唔係，不過都好期待再同毛舜筠合作，之前《畢打自己人》效果好好！（覺唔覺降呢？）唔會，拍處境劇不知幾好賺，好易爆Show！」同樣「零劇」的黃翠如說：「拍咗套《為食神探》，可能製作費唔大冇喺巡禮播。」

計較就唔拍啦

而盛傳因續約問題被雪藏的馬國明則解釋：「自己仲有兩套存貨，《流氓皇帝》同《為食神探》都未播。（因為合約問題？）唔關事！（驚唔驚一線地位動搖？）唔驚！冇話一唔一線，我喺《梟雄》都係得幾集，如果咁計較就唔拍啦，最緊要係為套劇着想！」

採：影視組　

文：專案組