吳綺莉（Elaine）昨日偕亞姐師姐黎燕珊到荃灣出席有線節目《往事．並不如煙》記者會。對於再穿低胸晚裝力谷上圍，Elaine在電話中解釋因晚裝太窄所致，冇刻意谷胸：「真係唔勁，個個着呢件衫都有呢個效果，可能我平時少着啫！如果搵個真係大嘅企喺我隔籬，就冇乜嘢喇！」又稱很高興透過節目令自己穿靚裙的次數大幅提升！

已為人母的吳綺莉（右）和黎燕珊鬥性感。

節目主持黎燕珊透露將在訪問之餘，加插歷史經典愛情故事作穿插，昨日有份出席的趙頌茹及艾威便重演歷史人物的其中二人。趙頌茹大爆拍攝當日要由早上八時哭至晚上六時，順便靠喊去水腫。而艾威更笑言與拍檔林靜莉過電：「幾多歲嘅男人都係鍾意十八歲嘅女仔。」