Miss Kay Dr.吹神領軍登場 巨星放題嚴選IQ博士

最強娛樂資訊App《東網巨星》精心炮製各類型節目，集IQ題及冷知識於一身、考盡圈中人智慧的全新遊戲節目《巨星放題》今日在《東網巨星》App獨家率先播出！節目邀得「Dr.吹神」陳奕迅及「Miss Kay」謝安琪擔任星級考官，向一眾藝人出題，找出圈中「放題IQ王」！作為星級考官的Eason和Kay實至名歸，除了睇得又唱得外，兩人的學歷及內涵更達星級指標，絕對稱得上是「IQ博士」！

題目刁鑽 考起Eason

愛吹水的「Dr.吹神」Eason大嗌過癮，因為可與圈中朋友玩遊戲，考盡各人對IQ題及冷知識的認識，愈講愈興奮的他更坦言想齊齊動腦筋，挑戰益智IQ題！問到愛玩IQ題，IQ水平可有番咁上下？向來古靈精怪的他暗示自己IQ高：「大家話呢？我冇理由話你知我IQ渣，哈哈！」提到今次的題目刁鑽，「Dr.吹神」自爆亦有被部分題目考起，但可趁機增長知識，特別是生活中常接觸到的冷知識！

私藏秘笈 隨時出題

另一星級主持「Miss Kay」則很榮幸向一眾藝人出題，自問IQ高過人的她平日最愛玩IQ題和冷知識，更會隨身攜帶收錄IQ題的袖珍書，方便隨時隨地考考身邊朋友的IQ，經驗豐富的她更風騷地大晒威水史：「搞笑嗰啲題目我實估中，試過有次節目主持問『邊個仔唔掂得，掂親就死？』大家都估唔到，但我估中係K仔（氯胺酮），因為『掂親K仔實冇命』係禁毒口號，呢個都幾好笑，好似係為我而設！」不過，Kay亦有被考起的時候，弱點就是「有味」難題，似乎想兜圈自誇思想純潔兼性格率直！