昨日《2015年叱咤樂壇流行榜頒獎典禮》記者會上，歌手以獨特造型搶鏡，薛凱琪以牛仔褸配格仔恤衫及孖辮造型出席，更拿着野餐籃，籃內除有杯碟外，還有四隻長頸鹿，被笑頸長的她笑說：「佢哋唔係朋友，係Family！」狂抽自己似「長頸鹿」水，她又表示正籌備新歌MV，擔任導演及美術指導。同場，組合農夫以浴袍Look現身，而J.Arie以「小丸子」造型上陣。另外，薛凱琪前晚出席徐天佑婚禮時滿場飛狂集郵。

薛凱琪打開野餐籃，原來帶埋「Family」長頸鹿嚟，梗係要錫番啖先！

農夫以浴袍Look現身。

J.Arie唔單只造型扮「小丸子」，連行為都似埋！