唐詩詠昨日出席新劇宣傳時透露,劇中被「新手」湯鎮業強姦,幸而她經驗豐富,更一Take過完成。對於緋聞男友洪永城揚言就「四角戀」一事擺和頭酒,她自言滴酒不沾,亦沒有食過飯,認為他應先請黃翠如吃生日飯兼和頭酒,令對方息怒。

拿着假刀的唐詩詠表示,洪永城應先與黃翠如吃生日飯兼擺和頭酒。

黎耀祥被沈卓盈用玩具槍指着,十分搞笑。

陳煒大受粉絲歡迎,不時合照留念。

唐詩詠、黎耀祥和陳煒等昨日宣傳新劇《梟雄》,期間鬥擺甫士給現場觀眾投票,詩詠重現劇中被強姦一幕吸票,事後笑指望能走出「被姦」陰霾,更指今次劇中被湯鎮業強姦,惟對方乃該類戲份初哥,詩詠說:「嗰日講佢飲酒,咁佢真係有飲,我同佢講我呢方面有經驗,知道晒個流程,叫佢唔使尷尬,好在最後都一Take過。」

「佢唔講嘢會死」

談到緋聞男友洪永城日前揚言要就「潮文」引起的四角戀擺和頭酒,詩詠笑說:「我唔飲酒,亦冇食過,佢最緊要同黃翠如食,又係生日飯又係和頭酒,再唔食真係嬲佢。(佢兩個食?)冇所謂,如果叫埋我冇所謂,大家知道佢哋好朋友,佢兩個食一餐先。(翠如真係嬲?)我叫佢唔好嬲。」問到有否叫洪永城以後慎言?詩詠笑說:「佢不嬲都係咁,唔講嘢會死,大家要習慣吓!(有冇少少呷醋?)點解?佢個樣咁普通,同任何人都好襯,幾啱拍劇。(咁你哋係咪公開關係?)我唔知佢,成日亂講嘢,唔理佢。」

阿梅風範重現

而陳煒對於網友指她的角色有梅艷芳風範,過往曾在劇集扮過阿梅的她表示大抵造型穿旗袍又有女人味所致,更指稍後將拍新劇,預料短期內沒有假放,即使老公投訴也沒辦法。

至於視帝黎耀祥則笑指不介意觀眾把新劇角色與多年前的「柴九」比較,更對同劇的胡杏兒宣布結婚感高興。

文:影視組