軟硬林海峰（Jan）和葛民輝昨日出席品牌活動，兩人自稱低頭族，幸有按摩椅紓緩。問到他們的兒女可是機不離手？阿Jan說：「唔止仔女，父母都係啦！」可有限制他們玩手機的時間？阿Jan說：「我哋門檻一路降低緊，限時呀！星期日先用手機呀！依家去到只要你放低就得喇！（以身作則？）有諗過掹咗全屋插蘇玉石俱焚！」不過阿Jan承認他亦有玩手機，但會比小朋友玩的時間少，至於可有偷睇子女手機？他說：「我哋對外講會話絕對唔做呢啲事，公開強烈譴責呢啲離譜行為。（咁偷睇老婆手機？） 我有偷睇老婆手機，不過係戲入面，戲入面我老婆係楊千嬅。（現實生活？）睇得咪睇囉！唔睇得而睇咗咪當冇睇過囉！」

葛民輝（左）及林海峰自稱低頭族，經常機不離手。