「辣車女神」鄒莉盈是新進跳唱組合B.Gs主音之一，出道短短一年已累積了近百場演出經驗，初出道時她曾因負面聲音而導致壓力爆煲，萌生自殺念頭，幸好她最終學會以遊車河減壓。

鄒莉盈有「辣車女神」之稱，愛遊車河減壓。

樣貌酷似高海寧的鄒莉盈同樣擁有一雙煞食長腿。

文、攝：追蹤組

新進跳唱組合B.Gs主音之一鄒莉盈（Ceci）素有「翻版高海寧」之稱，從小就想成為歌手的她，出道短短一年已隨組合B.Gs走訪國內演出多達一百場。演出經驗豐富的她是多個品牌的代言人，早前更與隊友以近百萬酬金，遠赴法國拍攝香水廣告，最近亦與成員方堯（Yona）、周汶希（Jovi）、宋英秀（Onna）忙於製作新EP。

綵排險燒着頭髮

Ceci自爆演出時發生的趣事：「好多時都因為時間問題未必有得綵排，所以走位好靠我哋臨場執生，初時都差啲撞埋一齊，有次個表演有煙花又冇同我哋講，爭啲連頭髮都燒埋。」講到被指似「高海寧」，她說：「可能因為大家嘅笑容都比較陽光，我最希望可以好似佢咁事業步步高陞，一樣咁受歡迎。」

不過，原來Ceci亦曾因壓力爆煲而想過自殺，她表示：「嗰段時間B.Gs啱啱出道，網上有好多聲音，有啲都幾難聽。我試過睇唔開，但依家學識要輕鬆面對，得閒坐朋友車遊吓車河，係我最佳減壓方法，所以我都會盡快考個車牌，到時可以周圍去。」