- 要聞港聞
- 兩岸國際
- 財經
- 娛樂
- goodlife
-
國際足協不顧香港隊安危，日前宣布港隊須如期作客政局混亂嘅馬爾代夫打世盃外，筆者覺得非常唔公平，因為生命係無價，唔通香港人好恰啲？以往出現類似情況，都試過改期或易地舉行，作為世界最高權力嘅足球機構，FIFA近年屢傳腐敗醜聞，高層們利用權勢發財發達，可謂「窮到只係剩下錢」，加上今次對港隊嘅無理決定，Peter只能無言興嘆。至於「港中大戰」一票難求成為熱話，好多球迷都大呻買唔到波飛，Peter明白大家感受，亦要理解今次改喺只坐約6千人嘅旺角場舉行，而且有8成約4千多張發售畀普羅大眾，內地球迷則獲分配500張，剩低嘅係配給本港一眾屬會。但位就只得6千個，以往乙丙組隊可能各隊會分到一兩張，但僧多粥少，好似同筆者諗熟嘅荃灣隊，今次更一張都冇，本人亦一樣，不過座位冇得無中生有嘅道理係需要接受，因此買唔到飛嘅球迷們與其咁躁，倒不如嘗試搵其他渠道睇波撐港隊。今晚英超早場阿士東維拉主場對曼城，維拉衰到排包尾，真係吾不欲觀之矣，曼城嘅1.34倍客W可作為變倍器，另一場利物浦主場對水晶宮，紅軍自新帥高普接手後漸有起色，Peter認為可擊退水晶宮擸晒3分，其1.56倍嘅主W，串埋「藍月亮」嘅客W都有2倍，屬於穩陣之選。金句：不平則鳴當然好，邏輯道理要接受
- 體育
- 馬經
- 波經
- 社論專欄
- 好報
- 愛心基金
- 昔日太陽
