組合Super Girls在前晚假九展舉行的處女騷《Flash On Live 2015》上，施展渾身解數兼大騷Quali，擺出趷籮、扭腰、趴地、自摸及擘髀誘人舞姿，成員Yanny及Heidi在Solo時齊齊「走光」，前者胸口露膠紙邊，後者露打底褲！穿上Deep V的Yanny死撐笑言膠紙是潮流之一，為免「走光」成輿論焦點，她哀求說：「可唔可以唔好用膠紙做標題。」問到為何不谷胸？她說：「要接受自己，唔好假。」而Heidi強調不是走光：「打底褲嚟啫！」

Heidi在台上獻唱時，失守露打底褲。

Deep V上陣的Yanny，不慎露膠紙邊！

Aka大露背登場，非常養眼！

Super Girls開騷又跳又唱，還與陳瀅咀嘴！

五女在台上強忍淚水，隊長Aka說：「講過邊個第一個喊就請食飯，我唔係唔想請，係想挑戰吓自己。」問到男友有否到場？五女表示是單身，Jessica笑說：「Single Forever。」