胡杏兒前晚舉行生日訂婚派對，多位圈中好友親臨祝賀，見證感動時刻，每個人都帶笑進場、灑淚離場。杏兒好姊妹陳敏之坦言感動落淚：「好Sweet，佢屋企人都喺度，令我諗番起我嗰時。」王君馨說：「見到佢可以搵到人同埋錢，又有自己生意覺得好開心。」莊思明更開心到不慎絆倒幾乎仆低。

王君馨戥事業情場兩得意的杏兒開心。

陳敏之見證杏兒訂婚，感動落淚。

而杏兒所屬的「胡說八道會」其中幾位成員雖然未有到場，但亦在網上送祝福，胡定欣更表示毋須再為杏兒隱瞞，她留言：「係呀係呀，結啦結啦，快啦快啦！唔使再答唔知啦！」而黃智雯則大讚杏兒與男友是「Perfect couple」，胡蓓蔚以姊妹合照歡迎杏兒「升呢」：「歡迎加入人妻行列，李太太。」