擁有日系甜美外表的模特兒林小美（Cherry），早前為馬會擔任主持而為人熟悉，她不單做司儀了得，原來下廚都有一手，認真「入得廚房，出得廳堂」！喜愛烹飪的Cherry除在網上拍片教煮餸外，更有收藏餐具及廚具的愛好！家中已有一大堆收藏品的她，仍到處搜羅心水的廚具，到外地旅行時更會瘋狂入貨：「基本上每次去旅行，我都會買好多人手製嘅餐具，因為真係好靚好特別。我仲試過買一個好重嘅煎鍋，因為喺香港已經絕版冇得買，所以我寧願行李箱超重，都堅持要買番嚟！」

Cherry到日本工作時趁機買美少女戰士碟。

Cherry收藏了各式各樣的餐具和廚具。

而Cherry早前到日本拍攝，又搜羅了不少特別的餐具：「呢隻美少女戰士碟係日本限定商品，我當時排咗好耐隊先買到。因為隻碟太靚啦！香港又冇得賣，寧願冒住易碎嘅危機都要拎返嚟！」