鄭少秋（秋官）和汪明荃演出的《Sunday靚聲王》播出逾八個月以來反應甚佳，一對「鎮台璧人」因而獲安排在今年無綫台慶表演荷里活式大型歌舞，二人將帶領24名小生和24名花旦演出，賀無綫48周年台慶。可惜綵排前汪明荃患耳水不平衡需辭演歌舞，當晚只能擔任司儀。

秋官與汪明荃在《靚聲王》中十分合拍，笑指對方「揈」到病。

秋官帶一班花旦排舞，活力四射！

秋官日前與一眾花旦小生包括陳庭欣、吳若希、呂慧儀、王君馨、陳煒、黃長興及陳山聰等為台慶排舞，問到汪明荃的病情時，秋官笑說：「阿姐學《四個小生去旅行》謝賢同曾江爭執而揈水髮，咪搞到頭暈囉！（介紹養生秘方？）有呀，我太太都有頭暈，佢食黑豆好咗好多，我咪介紹畀阿姐！」在家休養的汪明荃昨日受訪時承認患耳水不平衡：「睇咗醫生，唔想阻住佢哋綵排，咪同公司講咗唔表演，只做司儀。（秋官擔心你？）佢有介紹黑豆畀我，但食咗一次，未咁快見效。」