36E咪神陳婉衡（Alycia）日前到韓國拍旅遊節目，除穿婚紗大晒E Cup身材外，還接受「韓方整形」面部針灸，幾十支針插在面上，十足小箭豬一樣！ 文：影視組

陳婉衡穿婚紗谷行36E巨胸，咁索嘅新娘，可惜少咗個新郎Oppa！

陳婉衡在文藝氣息滿滿的布景下拍照，特別有Feel！

陳婉衡做「韓方整形」拮到成面都係針，痛到入心！

無綫36E新咪神陳婉衡日前到韓國首爾拍攝旅遊節目《3日2夜》，談到最難忘的事，Alycia認為非嘗試「韓方整形」莫屬！「韓方整形」並非開刀或打針，而是接受面部針灸，令面形變得緊緻，過程中Alycia整塊面被刺滿幾十支針，她自嘲猶如箭豬一樣！

含泡眼淚唔可以郁

至於感覺如何？她說：「之前試過針灸係針身體，針面就係第一次，因為面部肌肉比較敏感，其實真係幾痛！但又唔可以郁或者畀表情，全程只可以死忍，含住泡眼淚！不過效果幾好，呢樣都唔算整容，係自然嘅方法。」

嘆冇Oppa做新郎

除了針灸「變靚啲」之外，Alycia亦嘗試韓國的婚攝服務，換上多套婚紗的她，大晒E Cup養眼身材，事後Alycia大讚服裝及場景一流，美中不足是欠缺一位有型的韓國Oppa做新郎：「韓國款嘅婚紗係全手工，細緻位都好靚，影出嚟感覺年輕同繽紛，但如果將來我影婚照會想去啲山區瀑布，因為我本身鍾意大自然。（覺得件婚紗性感？）影相唔介意，但將來婚宴會密實啲，因為我粗魯，驚走光。」