51歲的吳啟華向來與妙齡索女分外投契，最近他與215磅日本諧星「女版Bob」渡邊直美合作，被《好報》拍到在中環翹手扮戀人，啟華被迫「轉口味」全程黑面！監製鄧特希事後解釋啟華不滿渡邊只是劇情，啟華亦讚渡邊很得意，兩人相處融洽。文：影視組

吳啟華與渡邊拍劇時面燶燶！

吳啟華稱見到渡邊會令人想笑，又真係喎！

啟華與渡邊被《好報》拍得翹手扮戀人。

鄧特希表示啟華對渡邊態度友善。

渡邊Chok甫影相，甚有喜劇感。

啟華與Fans合照，甚受歡迎。

被封「小花殺手」的吳啟華近年的拍檔愈來愈嫩口，先後與港姐黃心穎、朱千雪及蔡思貝傳緋聞，位位都是後生Fit爆小花，但最近啟華為幫監製好友鄧特希拍攝日本及馬來西亞投資新劇《隱世者們》，被迫「轉口味」與215磅日本諧星「女版Bob」渡邊直美合作！兩人被《好報》拍到在中環翹手扮拍拖，渡邊對住啟華心心眼甜笑，相反拍慣小花的啟華面對巨無霸似乎「鯨吞唔落」，一Cut機即閃人，全程面燶燶，並多番強調與渡邊只是演特務同事，絕無親熱戲份！

請食燒鵝餐

對此，鄧特希昨日受訪時表示啟華對渡邊態度友善，黑面只是劇情需要，因劇中啟華確實唔妥渡邊！他說：「戲入面渡邊係做啟華手下，啟華對呢個下屬冇咩好感，係幾抗拒佢，覺得佢唔係好人，可能啟華太入戲，睇落似黑面啫！（啟華一休息就匿入商場避開渡邊？）唔係，因為有幾位忠實粉絲嚟咗探班，佢入商場同佢哋影相啫！」他又指渡邊是一個專業演員，喜感十足兼身手靈活，當晚啟華帶同Fans宴請渡邊吃豐富燒鵝餐，現場有講有笑氣氛融洽。

派Like讚得意

至於啟華坦承與渡邊未算熟落，只是第一次見面，之前有看過她參與的綜藝節目，對她絕無嫌棄之餘更大派高帽，盛讚渡邊表情豐富夠得意：「佢好專業，表情豐富，係好好嘅喜劇演員，唔係太誇張，但見到會令人想笑，我上網睇過佢嘅節目，覺得佢有表演天分，幾得意吖！」渡邊則對啟華甚有好感，讚他充滿魅力，Cool中帶點親切，更希望兩人可拍咀戲！