談舊情敵離婚 李嘉欣：7年之癢有道理

曾同時和關之琳與香港商人「L君」傳緋聞的李嘉欣昨晚出席海港城聖誕亮燈活動，提到她的前情敵關之琳自爆與陳泰銘離婚，她說：「佢哋都成熟，係成年人，識處理關係，我係路人唔應該畀意見。」有指他們婚後因性格不合而分開，她表示婚後與老公生活細節上絕對需要磨合：「一齊生活磨合咗好多年，要明白大家生活習慣，唔好碰到大家底線。（過咗7年之癢？）今個月7年，7年之癢都有啲道理，係一個里程碑。（點維繫？）要搵二人時間，唔可以將注意力畀晒小朋友，所以我哋聽日會兩個人去旅行。（乘機造人？）睇天意。」她又透露聖誕將舉家去滑雪。