岑麗香化身美人魚出席活動，透露未來將一改形象轉演打女。問到男友稍後會否返港與她歡度佳節時，香香三緘其口，低調護愛苗。

香香化身性感美人魚，又露肩又騷腿。

活動上香香化身護膚專家，示範日常護理。

香香拿着網亂揮，未知是否想網住男友呢？

無綫小花岑麗香（香香）昨日以一身性感打扮出席護膚品牌活動，並透露即將投入新劇《火線下的江湖大佬》拍攝工作。她今次向高難度挑戰，扮演一位日間做OL、夜間舞獅和打鼓的「女英雌」，劇中更不乏動作場面。她表示非常期待新劇：「開拍前要接受訓練，希望操弗自己。好彩今次同陳山聰有大量對手戲，佢又真係識舞獅，會請教吓佢。」香香又透露小時候，祖父於唐人街喜慶活動上擔任鼓手，故今次的安排勾起她不少回憶，亦很懷念已故的他。

低調避談男友

問到男友會否擔心她過分投入練功，搞到周身傷？香香甜笑着說：「佢對我工作有信心，況且瘀咗都會好番嘛！（對功夫好有興趣？）係呀，我細個想學功夫多過學跳舞。（聖誕節男友飛返嚟？）唔知住，但我要開工。（到時幫佢護膚？）都好喎！（佢好貪靚？）你問番佢啦！要低調呀！」

文：影視組