藝人劉心悠昨日偕鄺美雲及張智霖等於澳門出席「太陽國際拍賣行澳門首拍」記者會，對投畫甚有興趣的心悠直言有意學名畫及珠寶鑑定，問到男士送畫會否加分？她說：「鍾意嘅嘢要自己Bid，但自己未到呢個階段。（收過珠寶禮物？）冇喎！廣告商嗰啲唔計。（想收咩珠寶？）都係要自己買，人生第一粒鑽石都係自己買。」

張智霖（左起）、鄺美雲、周焯華及劉心悠興奮舉杯。

劉心悠表示未收過珠寶禮物，卻享受自己賺錢買心頭好！

鄺美雲則表示身上佩戴的珠寶乃親自設計，又透露拍賣品總值近億元，當中有40件是珠寶。她透露稍後會專注珠寶設計及社會事務：「依家冇拖拍，亦唔覺有人追。（忙到冇時間留意？）我怕表錯情，女追男隔重紗，追到都冇意思，女仔畀人追先會被珍惜，自己比較傳統，鍾意畀人追。」