張智霖（Chilam）、佘詩曼、莊思敏、薛家燕、唐文龍及鄭欣宜等，昨日到澳門宣傳《十月初五的月光》電影版。該劇近日重播，Chilam透露囝囝魔童亦有翻睇DVD：「佢問點解Daddy喺套劇唔講嘢，個仔遺傳咗我眼淺，睇到喊！（見佢喊有咩感覺？）開心，但會同佢一齊喊，兩父子都係性情中人！」

Chilam與阿佘近日都翻看多年前的《十》劇，百般滋味……

Chilam（左起）、莊思敏及阿佘向粉絲大送禮物，力谷新片。

薛家燕自爆後生時多人望，咁依家呢？

問到囝囝有否與他分享男人心事？Chilam說：「個仔會問我男性生理上嘅問題。（驚訝？）有呀，但唔可以表現出嚟，要平靜。（有冇講鍾意女仔？）有呀！（教佢點揀對象？）呢啲唔使教，好睇緣分，有同佢講：『無論幾多段感情都好，都要對個女仔好！』」

阿佘追睇「豬仔包」

阿佘亦表示有追睇重播，更以「豬仔包」形容當年青澀的自己：「當年有啲Baby Fat，今次劇情講結咗婚，仲有抑鬱，所以會瘦啲。」而薛家燕大讚二人演技進步，又發現有男士向欣宜投以傾慕視線：「今次好少八緋聞！但拍嗰陣見到有人望欣宜，睇得出啲男仔對佢嗒糖，係唔敢行近同佢傾偈，頭先有同佢講，佢話：『係咪我食啲嘢好食，佢哋先望咋？』」

攝：唐豁莊澳門傳真