丁子高與音樂人趙增熹昨日出席音響品牌活動，問到家中可有音響設備？丁子高說：「都有嘅，不過唔係最頂級，屋企嘅布置都會同太太（楊千嬅）有商有量，佢好就我，雖然有時會有唔同睇法，但最後我都會就番佢。」提到千嬅早前表示在鄭中基、陳奕迅及吳彥祖中，想揀吳彥祖囡囡做未來新抱，他笑指混血兒對男仔而言當然較有吸引力。

愛妻號丁子高專程到新加坡睇老婆開騷，並大晒恩愛合照。

丁子高指家中布置會與千嬅商量，但傾唔掂時都係由老婆話番事！

另外，丁子高日前現身千嬅的新加坡演唱會捧場，並大晒合照，期間千嬅獻唱新加坡歌手林俊傑的作品《她說》，並表示：「入行20年第一次去新加坡開演唱會，好開心大家聽我啲歌好有反應，仲會跟住大合唱，好開心同好有滿足感！」