張敬軒昨日在錄音室為周六在廣州舉行的演唱會綵排，他指今次開騷可謂千辛萬苦，一波三折才在別人手上爭到檔期。講到票價高達1,380人民幣（約1,700港元），軒仔坦言還設有「VVIP」的最高票價。問到是否有後台合照或其他優惠？他笑說：「冇喎！可以嚟食吓後台果籃，嚟聞吓啲花，同後台廁所囉！」軒仔指門票定價超越其控制範圍，惟有做好個騷，回饋樂迷。他又自爆為鄉親、同學及老師自掏腰包80,000人民幣（約100,000港元）買飛：「老實講，啲廣州親友，佢哋係冇乜習慣買飛支持，通常都係要我送飛。」

軒仔表示要做到最好回饋樂迷。