玩具大王蔡志明新抱汪圓圓又有咗！昨晚挺着巨肚出席活動的她開心宣布佗孖仔，三年抱三的圓圓笑言老公蔡加讚得知她佗孖仔後開心到傻咗！　　文：名人組

汪圓圓挺巨肚出席活動時表示老公蔡加讚得知她佗孖仔開心到傻！

祖兒以型格Look擔任表演嘉賓，又有好歌聽！

Twins打扮靚靚孖住現身。

陳曉東(右)帶同太太王妤嫻出席。

蔡加讚和汪圓圓已育有一名一歲兩個月的女兒Celine，揚言會再生的圓圓果真神速造人。昨晚她挺着巨肚出席配飾品牌Coach慶祝派對時開心地宣布懷有６個半月孖仔，名副其實三年抱三，令蔡汪兩家喜出望外，特別是將再做爸爸的蔡加讚。她說：「我話畀老公知時佢唔信，去到檢查知道係兩個仔之後，佢開心到黐咗線！（老爺奶奶呢？）非常開心！（有咩獎勵？）佢哋好錫我。（老公呢？）好幸福！係全世界最好嘅老公。」

阿Sa捧獎諗起「天后」

其後她笑言原來佗孖B肚很重，問到老公會否擔心她出席人多的活動，久沒露面的她表示，由於已有經驗，故不像第一胎般緊張，問到是否夠晒數封肚？她笑說：「我諗停一排先，三個都係BB。（預產期？）農曆新年，（一出世就收利是！）係Lucky Baby。（大女會唔會呷醋？）我都驚，畀BB公仔佢會丟走。」

同場的天后容祖兒和恭碩良昨晚擔任表演嘉賓，此外還有韓國人氣女團f(x)隊長宋茜、Twins、徐天佑、謝婷婷和名模周汶錡等。蔡卓妍（阿Sa）憑電影《雛妓》奪得《第十五屆華語電影傳媒大獎頒獎禮》最受歡迎女演員獎，她坦言十分有意義：「11年前憑《下一站天后》攞港台女演員獎，11年後竟然憑一套同《下》咁唔同嘅戲得獎，見證住唔同嘅拍戲時代。」

陳曉東「錢多」暫停生B

而陳曉東則帶同太太王妤嫻及大女陳芷霖（朵朵）出席，問到會否再生？東東說：「暫停先，諗佢哋讀書已經好頭痛，未定香港、台灣定內地好！」他又笑言介紹大女給傳媒認識：「佢已經係香港人，叫朵朵Dor Dor Chan，多多錢！第二個女叫多多，兩個月大。」而周日做新郎哥的徐天佑表示，婚禮已籌備得差不多，屆時將筵開40席。