殿堂級歌手林子祥（阿Lam）昨日舉行威利來干邑呈獻《林子祥佐治地球40年演唱會》記者會，93歲的林媽媽、太太葉蒨文（沙麗）、兒女及快將3歲的孫女等齊齊現身支持，四代同堂！阿Lam席上宣布原定明年一月二十八日至三十日假紅館舉行的個唱，將加開三十一日一場，又笑言考慮再增設早場：「我平時好早起身，九點、十點開都得！日場好多人做過，早場就冇，應該會幾特別。」他透露個唱中會與沙麗及兒子林德信來個三人合唱，亦不排除會即興拉朋友上台做嘉賓：「分分鐘睇吓有邊個喺度，搵佢上嚟唱，好過一早講定。」

林子祥

林子祥為演唱會舉行記者會，媽媽、太太葉蒨文、兒女及孫女齊齊撐場！