藝人魏焌皓（Nathan）、陳庭欣（Toby）及劉溫馨等日前到西貢為《愛．回家》拍外景，除剩肉色打底褲，上身爆肌，下身激凸，拍攝裸跑戲的Nathan說：「少少尷尬，當係為藝術犧牲！（晒肌要問准女友？）我都想，但我冇女友。（王浩信之前拍過裸跑戲，怕唔怕觀眾挑剔你哋邊個激凸啲？）如果被人攞嚟比較都冇得避，但自己知OK咪得囉！」

魏焌皓除剩打底褲，爆肌拍攝裸跑戲。

劉溫馨冧爆魏焌皓Body！

陳庭欣開到聲希望監製加戲！

劉溫馨勁冧魏焌皓Body，她說：「佢好Fit，我鍾意呀！每個女仔都鍾意呢類男仔身材。（佢激凸冇令你尷尬？）冇！我哋開工差唔多日日見，乜都見過晒啦！我意思係我哋好熟。」而首日開工的Toby說：「我今輯做明星Juliababy，暫時有2集戲，希望監製加我戲！」