女子組合HotCha前成員黎美言（Winkie）近日積極習武，偕「晶女郎」唐紫睿（Hazel）、鄧穎芝（Vangie）及龍小菌等拍攝MMA真人騷，正所謂「女人多自然是非多」，近日聲稱參加節目不是來交朋友的她，有傳訓練期間「動真火」，令一班女仔不滿而杯葛她！日前，Hazel、Vangie和劉燕妮（Rika）又負傷睇跌打！

為比賽操練的Winkie在社交網寸爆稱參加比賽「不是來交朋友」！

Rika

鄧穎芝

唐紫睿

唐紫睿

睇完跌打，Vangie、Rika和Hazel到茶餐廳吹水，Rika疑似壓力爆煲喪喊！

文：影視組

黎美言早前偕「晶女郎」唐紫睿、鄧穎芝、龍小菌、2013年退選港姐「嫩版徐若瑄」劉燕妮、鄧洢玲（阿旦）、郭思琳及王蘊妮簽下生死狀拍攝ViuTV的MMA真人騷《G1格鬥會》。本以為「友誼第一，比賽第二」，怎料一向好勝的Winkie突然動真火！

狂舂Hazel後腦

據知，日前拍攝訓練花絮期間，眾人逐一跟Winkie對打，諗住柴娃娃練吓拳、切磋吓，豈料打慣泰拳的Winkie火力全開，阿旦被打到面腫、嘴黑兼爆喊，打算上台還擊的Hazel，結果激怒Winkie起勢狂揪，教練叫停後，她仍撳住Hazel後腦狂舂！有工作人員爆料指，當日Winkie自稱請朋友來打氣，但原來「老友」是其私人教練，目的是觀察七位對手的弱點。

為贏冠軍出招的Winkie，未知是否不忿被七女杯葛，在社交網寸爆稱參加這個比賽「不是來交朋友」，身邊朋友是「低調又討厭是非的人」：「今次只求為突破自己，戰勝自己！其他不關於打拳的問題，那些女生的煩問題，我根本完全沒有感覺……甚麼也入不了耳朵，做到的就是大方得體與尊重！」引來劇組不滿要求「封嘴」，嚴禁撩事鬥非。

Rika壓力爆煲喪喊

早前她們秘密進行首輪比賽，八女在網上晒「戰績」，據知跟Winkie對打的Vangie，比賽期間被打到面頰流血！日前，Hazel、Rika和Vangie負傷到深水埗睇跌打，手腳瘀晒的三人痛到乸口乸面兼大嗌！其後到茶餐廳吹水，期間Rika疑似壓力爆煲喪喊，敢怒不敢言的她們互相安慰，又郁手郁腳研究抗敵策略！

對於被指打傷其他對手，Winkie昨日透過經理人否認：「就算有，參加得都知會受傷，比人弱就係弱，冇得話控訴，如果下下就住打就唔好睇。」經理人撐Winkie不喜歡埋堆才被針對：「佢自己都有傷，只係唔展示出嚟！」nowTV高層金廣城表示參賽者均用心打：「節目有軍醫同心理醫生，唔擔心佢哋動真火，如果有是非都有心理醫生輔導。（Winkie打傷人？）相信佢係投入為節目啫！我會再了解吓。」明年四月開台的免費電視頻道「ViuTV」，其中一個「吸睛」真人騷比賽《G1格鬥會》，賣點是歌、影和（口靚）模界靚女肉搏「真打」，要參加訓練，極具睇頭，Hazel和Vangie等擔心拳腳無眼而毀容。