組合少女標本成員許雅婷（Kabby）擺脫偶像包袱，影相時經常做出搞鬼表情，更會笑到見「牙肉」唔見眼：「最出名嘅就係我招牌笑容，就係露晒成排牙，連牙肉都露埋出嚟，平時影相都係做呢個表情，啲粉絲都係鍾意睇呢啲得意樣，平時扮Chok佢哋會唔鍾意。」

許雅婷笑指粉絲喜愛她扮鬼臉的得意樣，多過一味Chok。

除了賣萌舉V等招牌動作之外，為了滿足粉絲要求，Kabby不惜扮醜做鬼臉：「粉絲鍾意我轉吓表情，有時伸脷、鬥雞眼，佢哋都會好開心。」問到可會擔心影響女神形象？她說：「我絕對唔係女神，擔當唔起，我行親民路線。」不過由於表情太多，令她的法令紋有加深迹象：「因為我成日笑，所以法令紋有輕微加深，不過唔緊要啦，開心就得。」