謝婷婷前晚出席萬聖節活動時透露不會外出慶祝佳節，因曾於此節日遇上「黑的」，在短距離的車程中，被無良司機獅子開大口，收取150元昂貴車費，故不敢再於大時大節出外玩。

婷婷以超Deep V出席萬聖節活動時，令人眼前一亮。

謝婷婷前晚以超Deep V出席萬聖節活動，問到會否出外慶祝萬聖節？她大爆曾於此節日遇上「黑的」，令她對大時大節出外玩樂卻步：「一嚟會好多人，蘭桂坊又會封晒路好麻煩，夜啲返屋企時又難截的士，我試過有次由中環去灣仔，個的士司機收我150蚊，仲要我一上車就畀錢先。（黑的？）我朋友幫我同個司機傾嘅。（你話你係謝賢個女吖嘛！）唔會，我咁斯文唔會咁講。（係咪因為你嘅身份先收咁貴？）唔係，佢都係過咗一陣先睇到我係邊個。」

為拉姑賀壽

提到母親狄波拉於上月26日64歲生日，問到如何慶祝？婷婷說：「同媽咪、爹哋同埋Uncle Kong（鬍鬚Kong）一齊簡單咁食咗餐飯。（媽咪公開年齡會唔會嬲？）唔會，做我哋呢行，上網一查就查到，如果我好似我媽咪保持得咁靚，我會話自己120歲添！年紀大但係Keep得好咪仲勁。（霆鋒一齊食飯慶祝？）佢去咗內地，我諗佢返嚟之後，佢哋幾個會再慶祝。」

劉曉慶登「6」

她又透露送了媽媽生日禮物：「送咗護膚品同護膚機器。（想你送個女婿畀佢？）都要一段時間，慢慢等，等到佢77歲先，講笑。（有冇人追？）我就話冇，身邊嘅朋友就話有，自己唔識睇呢啲。（咁你有冇心儀對象？）冇。」

而與狄波拉同樣保養得宜的內地影后劉曉慶前日亦正式登「6」，紮起孖辮仔的她上載燦爛笑容照片至社交網站，並透露身在美國與萬聖節的「妖魔鬼怪」慶生，跟大家開心Share。

文：名人組