前港姐冠軍陳庭欣、出爐港姐季軍郭嘉文及林凱恩等，前晚到佐敦出席《歡樂滿東華2015籌款活動開展儀式暨聯歡晚宴》。擔任司儀的陳庭欣透露會與鄭少秋等合演大型歌舞為東華籌款，坦言為此非常頭痛：「依家學緊跳舞，同埋每日拉筋。」談到身材明顯愈來愈弗，她說：「呢排唔使開劇，幾乎每日都做運動，同埋戒口唔做飯桶，依家操到有馬甲線！」

陳庭欣勤做運動，身材愈來愈弗，仲練出馬甲線！

郭嘉文（左）與林凱恩閒時會鬥「戲」，為日後拍劇打好基礎！

至於郭嘉文與林凱恩穿上晚裝亮相，郭嘉文笑說：「細個好鍾意睇東華，試過打電話捐錢。最鍾意睇嘉賓唱歌環節，星光熠熠！」問到可希望拍劇？她笑稱期待新挑戰，又指不時練戲作準備：「我哋得閒都會對吓戲，大家扮吓情敵或姊妹，試吓做戲。」而林凱恩亦笑說：「我哋有時會反串做戲，都幾好玩！」