組合Twins成員鍾欣潼（阿嬌）與舊愛麥浚龍（Juno）在前晚舉行的頒獎典禮分別獲「季選ＭＶ」獎，可惜Juno未有親自到場領獎，似有避阿嬌之嫌！阿嬌強調與Juno沒有聯絡，即使同場亦不會感到尷尬，更反問記者：「佢唔係玩自閉咩？」

阿嬌與Juno「只差一點點即可再會面」，可惜無緣同場相見。

Juno

吳若希穿上露腰裝，性感得來又不太暴露。

Stephy踢爆小方頻頻send爆肌照！

As One有獎捧，笑得零舍開心！

周國賢忙於籌備演唱會，現時正創作新歌。

組合Twins成員鍾欣潼、吳若希、鄧麗欣（Stephy）、泳兒、周國賢及組合As One等歌手，前晚出席由國際唱片業協會（香港會）主辦的《香港流行音樂MV頒獎典禮2015第一季季選》，穿白色開衩裙的泳兒激鬥穿露腰裝的吳若希，平分秋色！Twins憑歌曲《LOL》MV奪得「季選MV」獎，但蔡卓妍（Sa）因有工作在身而缺席，由阿嬌獨自上台領獎。

「關我咩事？」

曾與阿嬌傳緋聞的麥浚龍，則憑與謝安琪的合唱歌《羅生門》MV獲頒「季選MV」獎，但他沒有現身領獎，似乎想避開與阿嬌同場，Juno的經理人昨日否認：「Juno一早通知咗大會，佢尋日全日拍廣告，唔係避。」而主辦單位的主席吳雨透露：「Juno唔嚟係有嘢做，都有拍片畀我哋播。（避開阿嬌？）唔關事，各得獎歌手都唔知邊個歌手有獎。」而阿嬌問Juno缺席與她何干：「佢嚟唔嚟關我咩事」？坦言假如與他同場碰面會大方Say Hi，並說：「冇聯絡啦！佢唔係玩自閉咩？」

Stephy嫌男友暴露

至於吳若希否認與鄭俊弘攜手出騷價只得25,000港元的報道，她說：「報道係畀行外人睇，都係當笑話咁睇。」而鄧麗欣踢爆男友方力申最近為電影操肌，自戀得向她瘋傳半裸爆肌照！

文：音樂組　攝：司徒國榮