嫩模林嘉欣（Katrina）自認最近「發福」，所以積極做運動操弗！未踏入冬天，她已展開滑雪大計，不過……香港冇雪落喎！幸好觀塘有一間室內模擬滑雪場，Katrina至少每個月去一次，就連在家中也勤力練習動作！她笑言首次接觸就愛上滑雪：「第一次滑雪係前年拍節目時接觸嘅，當時我笨手笨腳，喺雪上唔識郁，但我又覺得呢個運動好新奇，可能因為好少見到香港有雪啦！同埋覺得好型！」滑雪是種全身運動，不但能鍛煉平衡力，也可訓練柔軟度，一小時更可以消耗約700卡路里，難怪她一個月內就減掉3公斤！

身為嫩模的林嘉欣為了Keep住完美身材，決定滑雪減磅！

林嘉欣滑雪滑到雞手鴨腳又跌倒，不過日子有功，滑得多平衡力自然好！