名模馬詩慧的20歲二女王麗嘉，人靚身材標青，不乏群下之臣，除有四眼男外，《好報》更獨家拍得她另結混血男新歡，早前拍拖也相約家姐王曼喜同行，更不理家姐在旁與混血男十指緊扣，啜爆街頭，記者昨日致電馬詩慧，她說：「因為老公Michael（王敏德）一早喺屋企嘅群組鋪咗《好報》大家睇，佢不嬲緊張啲女，我問過麗嘉，佢話唔係拍拖，我覺得係追求者之一。（又拖又錫都唔係拍拖，點先係拍拖？）哈哈！其實我都想問佢點界定拍拖，我見過個男仔，唔知點解阿女識親嘅男仔都咁乖，呢個男仔係乖，幫爹哋手做設計顧問公司，知道佢唔會教壞個女就得，始終個女都係得20歲，距離談婚論嫁仲有好遠。」

王麗嘉與混血男啜爆街頭，馬詩慧讚他是乖仔。