王宗堯在新片中與三位全裸演出的新演員合作，他大讚三位新人演出專業，亦感受到她們青春逼人的一面。其中一場戲王宗堯需要用口咬郭奕芯的Pat Pat，郭奕芯坦言事後發現Pat Pat瘀了一撻，王宗堯事後深感抱歉。

王宗堯夥拍廖子妤、麥芷誼及郭奕芯拍戲，感染青春氣息。

王宗堯讚三個新人專業，唔使特別去教！

郭奕芯拍攝激情戲，感覺陌生又新奇。

文：影視組

藝人王宗堯夥拍三位新人郭奕芯、麥芷誼和廖子妤合作新片《同班同學》，王宗堯表示與她們合作感受到她們的青春逼人：「好少有機會由一班新人擔正一部電影，佢哋全部都好專業，唔使特別去教。今次同郭奕芯第二次合作大家都好放心，今次仲激，有場咬佢Pat Pat嘅戲，佢好慘被我咬瘀咗，唔好意思！因為導演要求要好逼真、寫實同自然，如果係扮咬效果唔好。」

洗手間纏綿唔使郁

現實中，王宗堯女友年紀與她們相約，問到女友會否不喜歡？他說：「佢未睇，應該未知，但好多時接受咗一部戲嘅角色，就接受戲中任何條件，除非唔合理。作為一個演員嘅另一半，佢係有需要明白呢一點，有良好溝通而女方可以包容其實係好難得！」而郭奕芯表示最難忘一場戲是與王宗堯在洗手間內做愛，連續拍了十幾次重複咁做，她笑說：「佢又唔係我男友，感覺好陌生但又好新奇，不過好舒服，全程唔使我郁。」

廖子妤全裸煞科

戲中三位女演員為了電影全裸演出，她們坦言事前經過深思熟慮才決定演出，麥子誼說：「因為拍前講明唔係賣弄淫穢或色情，係要表達出一份青春文藝風格、真實感。我最難忘係同演員李拾壹嘅口部親密接觸戲份，拍攝時要成日要含住一個膠製有臭味嘅道具去演，都好辛苦。」而廖子妤坦言全裸是一個大難關，家人初時都不贊成但亦支持：「最深刻係一場沙灘上全裸放煙花嘅煞科戲，因為自己比較易緊張，由好驚到除衫到投入，心理感覺轉得好快。」