藝人瑪姬近日到東京旅行散心9日，毅然放棄原定的血拼計劃，即興與同行女友人「兩手空空」跟團攀爬富士山！未曾爬山的她直言此行吃盡苦頭，更令雙手凍至紅腫：「好彩有得租裝備上山，但因為經驗不足租漏咗對手套，喺攝氏零下5度凍到手腫晒，即使全身貼滿暖包都頂唔順。」她透露步行近24小時去登頂，更開玩笑稱半路休息時感覺有如身陷停屍間：「登山途中幾十人一齊瞓咗3個鐘，睡袋排排瞓逼到似足停屍間。（冇得沖涼？）係呀！不過可以去廁所，因為我有潔癖堅持要刷牙，結果凍冰冰行出草叢刷牙，好狼狽！」

瑪姬爬富士山，吃盡苦頭！

瑪姬坦言登頂路途危險，同行團友不慎受傷見紅：「最高點地勢又斜又危險，好大風沙，有男團友被風沙吹到跣落30米，我朋友亦跣到損手爛腳！」故她坦言下次要找來「護花使者」同行：「冇人選呀！下次真係要搵番個（男伴）！」