名媛寇鴻萍的女兒唐貝詩（Lydia）喜愛萬聖節，她說：「我同妹妹細個真係有問鄰居拎糖食，我哋會搭電梯去大廈最高嗰層，跟住就逐層落，敲門問人攞糖！」Lydia自爆愛看恐怖片：「我睇嗰時會嗌，會捉住隔籬嗰個。媽咪話可能我喺佢個肚嗰陣，Daddy成日睇殺人片，所以我生出嚟就唔驚！」

早前到馬來西亞雲頂工作的Lydia說：「個個都話雲頂猛鬼，但我唔驚，仲不知瞓得幾舒服！我玩『直播』嘅時候，好多人留言話後面有人影，喺度嚇我。」問到過往曾否化恐怖妝，她說：「我上年嗰個Look幾恐怖，縫住咗個嘴。因為萬聖節就梗係要恐怖啦！唔恐怖扮嚟做咩！」而今年Lydia落足心思扮「黑寡婦」，恐怖之餘，不失艷麗。Lydia穿黑色貼身透視裙晒美腿：「今次我行比較型嘅路線，塊面畫咗隻蜘蛛仔吊喺度！」