nowTV主持楊柳青（Wiyona）早前與樂基兒（Gaile）到意大利拍攝，Wiyona獲首次合作的Gaile借衫及送小禮物，感動又開心。

楊柳青（右）大讚樂基兒Friendly又Sweet。

楊柳青的白色衫着一次就報銷，要向樂基兒借衫。

楊柳青（右）與樂基兒（左二）與攝製隊在意大利街頭取景。

文：專案組

楊柳青早前與名模樂基兒到意大利拍節目，拍攝時當地天氣炎熱，Wiyona說：「嗰陣室外有四十度，商場冷氣又開到好細，出汗出到癲，我哋隊Crew架大巴入面熱到四十八度，啲水都變咗滾水，我有件白色衫仲熱到布滿鹽粒，着一次就報銷咗！」

秋冬裝冇用

不過與Gaile合作，就算出汗又出力Wiyona亦無怨言，更大讚Gaile為Nice又體貼：「好開心可以同樂基兒合作，佢真係好Friendly，又好Sweet，我帶咗好多秋冬裝去着，點知今年意大利太熱，有成40度，啲衫根本着唔到，Gaile就即刻借佢啲衫畀我着住拍嘢，真係好感動！」

畀足一百分

這次意大利之旅雖只有11日，Gaile仍相當貼心為工作團隊送上小禮物，令Wiyona非常驚喜：「我哋日日都忙住拍攝，得一兩個鐘空檔時間，Gaile都特登去買小禮物送畀我哋，佢送咗條腳鏈畀我，我一收到就好鍾意仲即刻戴住，未試過同一個咁好嘅藝人合作，真係畀足一百分佢，同埋佢好識尊重人，令到成個拍攝過程都好順暢。」