樂壇新人安俊豪（Simon）近日綵排新歌《摯友》 MV首播會及Mini Live Show，因是處男賣飛音樂會，故心情難免緊張，幸他獲一班圈中好友支持，令不安情緒得以紓緩：「好在有梁雨恩同我分享佢嘅演出經驗，仲有歌手譚杏藍綵排時講笑話引我笑，同埋師姐甄詠珊嘅無限支持，我個心先定啲！」

安俊豪得梁雨恩相助才得以紓解不安情緒。

Simon綵排合唱時要睇「電子貓紙」提歌詞，問到對演出可有信心？他自信十足地說：「有信心！雖然呢次唔係喺大場如紅館或伊館舉行，當晚場地亦唔算大，但都係我首個賣飛騷，我哋只係喺網上宣傳，公司話三日已經全場爆滿，仲有後補名單，所以好感激大家支持！」