早前藝人譚偉權（Gary）到上海拍攝無綫劇集《梟雄》，他透露飾演誤入毒海角色而經常被打。從未拍打戲的他自爆拍攝時不慎被內地武師踢裂胸骨：「痛到抖唔到氣！大家都留意到我面青唇白。（堅持完成拍攝？）係！拍完第二日入院，返香港再照X光就知裂咗！（期間照拍打戲？）食止痛藥同搽跌打酒，係好好嘅經驗。監製都知我受傷，打得激烈會用替身。」他直言感激好友蘇玉華當時陪他入院求醫。

譚偉權拍劇受傷，感激蘇玉華陪他入院。

談到今次與「影帝」黃秋生及「視帝」黎耀祥合作，Gary坦言過足戲癮：「感受到佢哋（演技）好穩陣同壓場，好有火花！我兩年前由舞台劇界重返無綫，多謝監製畀機會我做啲有發揮嘅角色！」