小花黃心穎在無綫台慶劇《東坡家事》中首演古裝劇，飾演刁蠻又粗魯的角色，她稱角色男仔頭與現實中的她很相似，故演繹起來容易上手：「自己好鍾意古裝，今次對白都係白話文，係要注意行路斯文啲。」她再與傳緋聞的王浩信合作，她坦言經過《再戰明天》合作後有默契，拍攝起來易於合作。

惹緋聞的黃心穎，有自我檢討作出改善。

對於與人夫王浩信的緋聞，心穎坦言也有認真檢討過：「大家係Friend ，大家知咩事，合作唔會尷尬。不過，自己都有諗過點解咁多緋聞，因為真係唔開心，係咪性格有問題？可能我喺外國長大，成個男仔頭，一向冇乜嘢，但去到工作上就出咗問題，某程度係有啲唔啱，自己係公眾人物要避忌少少，唔好玩得咁癲，唔會再大癲大肺，自己都有改善嘅。」

心穎在劇中飾演歐陽震華（Bobby）的妹妹，還與萬綺雯有不少對手戲，她覺得很幸運遇到兩位好前輩：「完全冇壓力，未開拍已經好有親切感，我爸爸同Bobby好似樣，估唔到Bobby話佢睇電視覺得好似佢妹妹，所以做兄妹就好容易，佢可能係最容易相處嘅前輩。萬綺雯又好識照顧人，喺橫店有場戲，佢驚我凍幫我準備咗好多暖包、電暖背心，好似有媽媽喺身邊，好感動、好感激，感覺大家好似親人咁！」 服裝：Novelty Lane