女星周秀娜及鄭欣宜早前到北京出席「重逢．相遇 電影《十月初五的月光》媒體發布會」，「女神」周秀娜密實現身，被超低V的鄭欣宜「胸」湧搶鏡，噴血度十足，她卻向《ontv東網電視》否認性感搶鏡：「好性感咩？開胸低小小啫！（知道周秀娜同場而刻意性感？）冇諗喎！但我出場前做好多工夫，唔敢大動作，上到台畀人眼望望，有少少奇怪。」

「女神」周秀娜與開胸欣宜同場時明顯跌Watt！

欣宜性感亮相，令人眼前一亮！

密密搵銀的周秀娜正物色千呎筍盤與母親同住。

至於封胸的周秀娜則否認輸給欣宜：「我見到佢都嘩一聲！咁人人唔同，冇得比較。」問到身家是否逾億兼已進身富婆行列，她笑說：「你講細胞咋？太抬舉，我唔係！」又表示未來會北京、香港兩邊走，現正在北京搵租盤，雖然亦有在香港睇樓，夢想是一千呎，希望明年與媽咪同住。