今集東網電視《娛樂onShow》請來藝人郭奕芯（Ashina）、麥芷誼（Koyi）及廖子妤（Fish）擔任嘉賓，與主持陳振安分享拍攝電影的點滴！三人表示未開拍時，與導演「同居」鬧出不少笑話，Ashina更大爆導演裸體向她們「回禮」。

郭奕芯（左起）、廖子妤及麥芷誼為新片而與導演「同居」，感情增進不少！

郭奕芯（左起）、廖子妤及麥芷誼與主持陳振安暢談拍攝點滴。

文：專案組

郭奕芯（Ashina）、廖子妤（Fish）及麥芷誼（Koyi）與《娛樂onShow》主持陳振安分享拍攝電影《同班同學》的點滴，有傳《同》片年初舉行公開招募時要全裸打機，Ashina說：「係，其實我第一次去Casting只係傾偈，第二次就要全裸，除咗打機，仲要同入面其中一個演員對戲。（咁個男仔都係全裸？）佢有着褲嘅，我就真係冇着。」

大小二便唔閂門

三位女主角成功「當選」後，除獲安排受訓外，更要與導演陸以心展開同居生活，雖然三人曾有同居生活的經驗，卻鬧出不少笑話，Ashina說：「我拔咗雪櫃插蘇，然後去整麵包，最後被Koyi發現，因為我唔知嗰個係雪櫃插蘇，就係咁簡單。」Fish則大爆眾人大小二便都唔閂門：「因為個廁所好大，分為去廁所同沖涼，大家熟咗後就會有人沖涼嗰陣，同時亦有人會去小便。」

酒後送驚喜

令主持陳振安最感驚訝的是Ashina自爆與導演陸以心的同居趣事：「導演平時好夜返，有次佢飲到醉醉哋，返嚟同我哋講：『我都睇過晒你哋全裸，咁我都畀你哋睇啦！』（有冇話唔想睇？）冇！好樂意，反正畀佢睇咁多次，咪睇番佢一次囉！」想知道三位女主角更多拍攝趣事，快啲Click入《東網》睇《娛樂onShow》啦！