效力Lanvin 14年的品牌創意總監Alber Elbaz，前日突然宣布離開品牌，他發聲明表示離去是大股東的決定，暗示與品牌發展路線意見不一致。與Alber相識多年的名模琦琦大感可惜，她表示十年前在上海出書，對方專程捧場，她大讚Alber有才華，老公任達華與女兒也是其粉絲：「由佢第一個系列買到依家，有啲牌子嘅衫着完會送畀人，佢啲衫係唔捨得送走，我一直收藏。」她又說：「如果佢過Dior就可以一次過滿足晒大家嘅願望，不過無論佢去邊，我都一定捧場。」

琦琦和Alber是多年好友，一直好好珍藏其設計的靚衫。